Jæja það er komið að því, gosdósirnar eru byrjaðar að staflast upp á skrifborðinu, kennslubækur og föt út um allt gólf, myrkrið komið um 4 leytið og skeggið farið að vaxa meira en áður. Þetta getur aðeins þýtt eitt, það er komið desember og prófin fara að nálgast. Ég á að vera að skrifa rannsóknarskýrslu um leið og ég rita þessi orð, en ég ákvað að taka mér pásu. Eftir að ég skila skýrslunni á morgun tekur við endalaus próflestur fram að 21 desember en eftir það get ég nú sest niður og horft á eins og eina mynd. Those are the days of the old school yard.
Annars er ég bara kátur. Veit enþá ekkert hvað mig langar í jólagjöf en það sem verra er, er að ég veit ekkert í hverju ég á að fjárfesta handa frillu minni. Gæti gefið henni saumavél eða straujárn en líklega yrði ég að finna mér nýja frú eftir jól ef ég gerði það, og ekki er það vilji minn þannig að ég verð að finna eitthvað annað. Don´t worry be happy segi ég nú bara. En allavega passið ykkur á hálkunni og blásið rykinu af gluggaskónum því þeir fara að rölta niður blessaðir eftir 3 vikur.

- lífið er lag -