Hér eru nokkrir atburðir í tímaröð sem ég upplifið á síðasta ári.

Janúar - Ekkert gerist annað en vinna

Febrúar - Við Sigga hættum saman, held áfram að vinna

Mars - Við Sigga byrjum aftur saman, held áfram að vinna

Apríl - Vinna Vinna Vinna

Mai - Enn og aftur hættum við Sigga saman, og ég held áfram að vinna

Júní - Ég vinn og byrja að stunda golf af hörku, þar sem að allir mínir vinir flúðu austur um sumarið, Steini byrjar að vinna hjá okkur, ég kynnist honum og dreg hann með mér í golfið

Júlí - Ég fer í golfklúbbinn í Hveragerði, stunda golf milli þess sem ég vinn og sef, ferðirnar austur voru nokkrar og kostuðu þó nokkuð

Ágúst - Hélt til Kaupmannahafnar ásamt Jökli, Elínu, Kára, Tinnu og Tedda. Stærsti draumur minn orðinn að veruleika, Bono syngur beint til mín ásamt 40 þús annara með undirspili bestu hljómsveitar heims. Ég ásamt Tinnu, Kára og Tedda lýg að nokkrum dönskum krökkum að við séum að taka upp þátt um næturlíf fyrir Ísland, margir trúðu því - Ég byrja að pumpa í Laugum ásamt Steina, markið er sett hátt - Ég hélt afmæli, það komu margir heim í party og þetta var fínt kvöld - Háskólinn byrjar, sé að það er einn strákur sem ég kannast við með mér í Sálfræðinni (Palli) og reyni því að halda mig næst honum.

September - ég kynnist fullt af liði, kosinn í nemendafélag sálfræðideildarinnar og allt að gerast og minn orðinn hamingjusamur. Skóli skóli skóli. Bryngeir skýrir barnið sitt, merki þess að maður sé að verða gamall er einmitt þegar að vinir manns eru farnir að skýra börn.

Október - Skólinn á fullu, mætti saklaus á bjórkvöld þaðan sem ég fór ekki einn. Skyndilega var hún Sandra farin að skottast í kringum mig og ég orðinn enn hamingjusamari en fyrr. byrja að keyra leigubíl sem aukavinnu með skóla, fínt djobb sem gefur vel af sér. - Ég sefa stress móður minnar sem hefur verið að segja mér að fara til læknis sökum meðfædds hjartagalla, fer til læknis þar sem ég kemst að því að læknirinn getur engan veginn sagt mér hvað ég muni lifa lengi því ég er einn af þeim elstu með þennan sjúkdóm. En þó er allt í lagi ennþá.

Nóvember - Kynnist Söndru meira og meira og hinum vinunum úr sálfræðinni, fer í mína fyrstu vísindaferð og var ég þá að sjá um hana. Hitti Clint Eastwood í Laugum í byrjun mánaðar og Michael Bolton í enda mánaðar. Skólinn heldur áfram.

Desember - prófin einkenna þennan mánuð, breytti herberginu mínu og setti þar inn skrifborð. - Kynntist nýjum skemmtilegum krökkum í gegnum Söndru. - Fór aftur að vinna við pípulagnir í jólafríinu. - Árið leið og að mínu mati eitt besta ár mitt til þessa þó byrjunin væri frekar slæm. En eins og ég segi allt sem byrjar illa endar vel.

Gleðilegt nýtt ár allir saman

- Lífið er tóm hamingja -